June 22, 2022
腸道江湖 PART 3
上回提及到有益菌﹑有害菌和中性菌三足鼎立嘅狀態一直持續咗好多年，直至小寶寶逐漸長大成人，腸道江湖嘅生存環境卻開始複雜多變。自然災害嘅侵襲越嚟越頻繁，令有益菌節節敗退。呢啲災害包括大量嘅肉食﹑油炸食物﹑凍飲等等，再加上少蔬果﹑少飲水﹑熬夜等唔健康嘅生活方式，令有益菌嘅生存環境更加惡劣，菌數逐漸減少。甚至有一次，人類竟然主動為有害菌帶來”腐壞食物”作為外援! 與外援裡應外合嘅有害菌偷襲咗有益菌駐地，令有益菌損失慘重。
呢個時候唯有向一個叫”抗生素”嘅外援請求幫助，佢聲稱可以幫助有益菌打敗有害菌。誰不知實際行動後先發現，抗生素唔單止殺死有害菌，仲牽連到有益菌，就連一直安安靜靜嘅中性菌都無一倖免。
經過呢場戰役後，三大勢力都要暫時休戰﹑恢復精力。幸好此時人類派出乳雙歧桿菌﹑短雙歧桿菌和鼠李糖乳桿菌等食品級益生菌支援有益菌門派，協助佢哋盡快增強實力。為咗繼續修復被破壞嘅生存環境，和有害菌戰鬥到底，我哋要與益生菌聯手合作，打造強健嘅腸道江湖。