好多媽媽為咗令孩子健康成長，除咗飲多啲牛奶﹑仲會購買相關保健品為佢哋額外補鈣。但忽略一個問題，隨時令你所有功夫白費!

腸道係鈣唯一嘅吸收部位，所以腸道健康程度會直接影響身體對鈣嘅吸收。

腸道菌群中嘅有益菌對鈣吸收有好大幫助，而其中一個不能忽略嘅重要角色就係 – 短鏈脂肪酸。短鏈脂肪酸係由腸道有益菌（雙歧桿菌、乳桿菌等）發酵膳食纖維而成。短鏈脂肪酸能夠通過增強維他命D促進鈣吸收，維他命D係人體腸道吸收鈣嘅關鍵因素，能有效調節腸上皮細胞嘅鈣轉運通路，將鈣儲存喺細胞內，令腸道中鈣轉運增加，從而增加體內嘅鈣離子。

而腸道菌群失衡嘅孩子，腸道內嘅乳桿菌、雙歧桿菌等有益菌比例都會降低，短鏈脂肪酸嘅產生減少，從而影響腸道對鈣嘅吸收率。所以媽媽們無論幫孩子補充幾多鈣，佢哋都無辦法吸收，最終只能變成垃圾流失體外。